Berriak

Irailaren 15etik urriaren 18ra bitartean Donostiako Egiako Pasadizoan 'Elkartasunaren Aleak' erakusketa aurkituko duzue Gipuzkoa Kutxa Solidarioak antolatuta. Bertan, Gipuzkoako gizarteari laguntza bikaina eskaintzen duten elkarteak ezagutzeko aukera paregabea izango duzue. Atzo zoom bitartez egindako aurkezpenean parte hartu genuen Federaziotik.

Horien artean, GKEF-FGDA dago aniztasun funtzionalaren eremuan. QR kodeen irakurgailua izanez gero, klikatu eta gure federazioari buruzko informazio gehiago jasoko duzu. Eta, ez ahaztu, Realeko bi kamiseten zozketa egingo dutela parte hartzen duzuen guztien artean. Anima zaitezte!

Informazio gehiago: www.gipuzkoasolidarioa.info



PREBENTZIOA ETA SEGURTASUNA COVID19 ESKOLA-KIROLEAN (Euskadiko Kirol Eskolak antolatuta).
DERRIGORREZKO ikastaroa eskola-kirolarekin zerikusia duen edozein pertsonarentzat.
?Helburua:
Eskola-kiroleko Covid 19ren aurreko prebentzioari eta segurtasunari buruzko oinarrizko kontzeptuak eskuratzea.
?‍♀️Nori zuzenduta dagoen:
Kirol eta jarduera fisikoko teknikariak, kirol-kudeatzaileak eta eskola-kirolean Covid19 babesteko eta prebenitzeko ereduetan interesa duen edozein pertsona.
?Ikastaro-orduak:
2 h. (Pantailak ikustea, material gehigarria deskargatzea, azken ebaluazioa egitea)
✏️Informazioa eta matrikula (doakoa)


Denboraldi berriari ekiteko prest! Ziurgabetasun handia, araudien egokitzapenak, segurtasun neurriak... aldaketa asko baina gogoz ikasturte honi ere aurre egiteko! Hurrengo asteetan programa guztien berri ematen joango gara!



Federazioko bulegoa itxita egongo da abuztuaren 10etik 21era (biak barne). Abuztuaren 24an itzuliko gara indarberrituta! Abuztua eta irailean 09:00etatik 14:00etara izango da jendaurreko ordutegia.



Aurten ere udaleku irekiak egiteko aukera izan dugu uztailan zehar Gipuzkoako hainbat herritan. Hondartzan, frontoian, kalean, igerilekuan, museoan...ibili gara udaz gozatzen. Eskerrik asko Irizar eta Orona Fundazioari proiektu honi bultzada emateagatik eta gazteen aisialdiari atea zabaltzeagatik. Ederki ibili gara!



Gipuzkoako Foru Aldundiko 2020ko Etorkizuneko Kirolarien zerrenda argitaratu du. Kirol egokituaren atalean dauden hamar kirolariez gain, meritu bereziak lortu dituzten kirolarien artean Nahia Zudaire Borrezo igerilaria dago. Izan ere, 2019an Munduko igeriketa egokituko txapelketan parte hartu zuen Zudairek. Etorkizuneko kirolariek izango dituzten zerbitzuez gain, honako hauek ere izango ditu igerilari gipuzkoarrak:

-Nutrizio, fisioterapiako, kirol psikologiako eta kirol planifikazioko laguntza zerbitzua.

-Heldutasun maila eta entrenagarritasuna neurtzeko probak.

Zorionak Nahia!



Gipuzkoako Foru Aldundiak argitaratu ditu 2020erako Etorkizuneko Kirolariak. Horien artean, kirol egokituko atalean, hamar kirolari daude. Igeriketa, atletismoa, slaloma eta boccia dira kirolari horien artean dauden kirol modalitateak.

Etorkizuneko kirolari izendaturikoentzako onurak hauexek izango dira:

-Etorkizuneko kirolarien komunitateko kide izatea.

-Jardunaldi eta topaketa komunitarioetan parte hartzea (Kirol Experience).

-Saio informatiboak ikasketa, psikologia eta nutrizio arloetan.

-Onurak unibertsitateko eta unibertsitateaz kanpoko ikasketetan.

-Kirola eta ikasketak bateratzen laguntzea.

Zorionak denei!



Anoeta futbol zelaiaren obrak zirela eta, ia hiru urte pasa dira Donostiako Cemei eraikinera etorri ginela. Orain, Federazioaren betiko bulegora itzultzeko garaia iritsi da. Horregatik, datorren astean uztailaren 20tik 24ra lekualdaketa egiten ibiliko gara. Uztailaren 27tik aurrera gure Anoetako bulegoko ateak zabalik izango dituzue!



Desgaitasun egoera ezberdinak ezagutzeko aukera izan zuten atzo Mondra futbol kanpuseko parte-hartzaileek jokoen bitartez. Futbol kanpusaren barruan, atzoko eguna sentsibilizazio saioa egiteko aprobetxatu zuten. Gurpil-aulkian, antifazak jarrita...jolas ezberdinen bidez, desgaitasun egoeren inguruan hausnartzeko parada izan zuten parte-hartzaileek. Horrelako jardueren bitartez haur eta gaztetxoek gizartea anitza dela ikus dezakete!

 

Uda betean gauden honetan, esperientzia polit bat kontatu nahi dizuegu. Hegalak Zabalik Fundazioak martxan du Denur-Oztoporik gabeko bainua Kontxako hondartzan. Programa honi esker, edozein desgaitasun duen pertsonak orok itsasoaz gozatzeko aukera izaten du, beti ere, laguntza profesionalarekin eta beharrezkoak diren elementuekin. Eguraldi txarra izanez gero, Hegalak kirol zentroko igerilekuan saioa egiteko aukera izaten da. Horixe da pasa den astean Abdullah txikiak bizitako esperientzia bikaina. Abdullahk ez du gustuko soinu asko dagoen tokietan ibiltzea, konfiantza lortzeko denbora behar du, beste askok bezala. Baina zer ote da uraren magia! Lasai eta pozik ibili zen uretan, talde profesionalaren besoetan. Izan ere, pertsona orok du, desgaitasunak desgaitasun, bere ongizatea elikatzeko eskubidea! Ziur gaude, berriz ere errepikatuko duela!



© 2020 GKEF-FGDA