Berriak

Gaur argitaratu da aldaketa Estatuko Aldizkari Ofizialean desgaitasuna duten pertsonei erreferentzia eginez. Kalera atera ahal izango dute beharrezkoa balitz edo medikuak aginduta, baina modu diskretuan eta ziurtagiriarekin ateratzeko gomendioa egiten da.



Covid-19a dela eta, hurrengo 15 egunetan etxean egon behar garenez, zer iruditzen zaizu gure artean denbora pasatzeko ideiak, argazkiak eta bideoak elkarbanatzen baditugu? Denon artean lortuko dugu aurrera egitea.

Parte hartu nahi izanez gero, hauek dira gure komunikazio kanalak:

-E-maila: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

-Twitter: @GipKirolEgokitu

-Facebook: gkef.fgda.org

-Instagram: @gipkirolegokitu

Anima zaitezte parte hartzera!



Martxoaren 16tik aurrera Gipuzkoako Kirol Egokituen Federazioko bulegoa itxita egongo da Covid-19a dela eta besterik esan arte. Lanean jarraituko dugu baina telematikoki, beraz, komunikazio kanalak hurrengoak izango dira:

-Telefonoz: 943462514

-Emailez: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

-WhatsAppez: 688872933

Gure webgunean albisteak igotzen jarraituko dugu www.gkef-fgda.org atarian, baita gure sare sozialetan ere: Facebook, Twitter eta Instagram

Itxaropen mezu bat zabaldu nahi dugu hemendik, denon artean lortuko dugu egoera honi aurre egitea!



Larunbatean, martxoak 7, Irungo eskola kiroleko haurrekin egon ginen sentsibilizazio saioa egiten. Desgaitasun ezberdinen inguruko hausnarketa egin genuen ikasleekin, baita saio praktikoa kirol jokoen bitartez. Guztira, 3 txanda eta 200 ikasletik gora. Ederra esperientzia!



Atzo, martxoak 6, Once Gipuzkoak antolatutako 'Emakumea eta Kirola' mahai-inguruan parte hartu genuen Federaziotik. Errendimenduko kirolean emakumeen eta gizonezkoen artean dauden ezberdintasunen inguruan hitz egin zuten hainbat kirolarik: Amagoia Arrieta (Boccia), Garbiñe Etxeberria (Real Sociedad), Patri Espinar (Pilota), Sandra Piñeiro (Remo) eta Silvia Alba (Goalball). Alicia Figueroa Federazioko zuzendari teknikoa izan zuten moderatzaile. Interesgarria benetan emakume hauen ikuspegia!



Artaziak, Gipuzkoako Kirol Egokituen Federazioa eta Bizipoza elkartu dira lehen aldiz Ari! Sormena eta Mugimendua proiektua martxan jartzeko. Proiektuak gorputzarekin, arteekin eta mugimenduarekin lotutako ekimen berritzaile bat sortzea du helburu, izaera inklusiboa eta genero ikuspegia duena, 12 eta 21 urte bitarteko gazteei zuzendua.

Egitasmoaren ildoetako bat da:

Lehenengoa Ikastaro trinko bat da, eta Jordi Cortés koreografo-sortzailea gonbidatuko dugu bere ibilbidea erakustera eta dantza inklusiboaren esparruan izan duen esperientzia azaltzera. Jarduera hau martxoak 14an, larunbata, 10tatik-14ra izango da Donostiako Viktoria Eugeniako dantza aretoan eta formatu teoriko-praktikoa izango du. Jarduera doakoa izango da, eta gizarte arloan eta mugimenduan interesa duen edozein adinetako edonori zuzenduta dago.

Izena emateko idatzi helbide honetara martxoak 11 baino lehen: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.



Datorren ostegunean, martxoak 5, 'Emakumea eta Kirola' mahai-ingurua egingo da Zegamako Kultur Etxean, 19:00etan. Bertan egongo dira Ruth Cayero, Maider Mendizabal eta Rosa Lasagabaster kirolariak beren esperientzia azaltzen. Eurekin Alicia Figueroa, Gipuzkoako Kirol Egokituen Federazioko zuzendari teknikoa ariko da moderatzaile lanetan. Denen artean, emakumeak kirolean oraindik bizi dituzten zailtasunak eta erronka berriak azalduko dituzte. Anima zaitezte!



Datorren igandean, martxoak 1, haur eta gazteentzako errugbi topaketa antolatu dugu Federaziotik Hernaniko Errugbi elkartearekin batera. Desgaitasuna duten haur eta gazteentzako beste aukera bat eskaintzen da oraingoan. 11:00etan hasiko da jardunaldia Landara errugbi zelaian eta izena eman nahi duenak Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean egin beharko du. Ondo pasatzeko eta errugbia ezagutzeko tartea izango duzue, anima zaitezte!



Urte batzuk dira Real Sociedad Fundazioarekin elkarlanean, Realeko infantil taldeetan sentsibilizazio saioak egiten ditugula urtean zehar. Futbolaz gain, gazte hauek gizarteko beste errealitate batzuk ezagutzeko aukera izaten dute. Hala, desgaitasuna hurbiletik sentitzeko saioa prestatzen dugu Federaziotik, beti ere, kirol jolas eta jokoen bitartez. Pasa den ostiralean, otsailak 21, egin genuen aurtengo lehen saioa. Bertan, hausnarketarako tartea ere izaten da, eta egia esan, saioak oso interesgarriak izaten dira. Eskerrik asko Real Sociedad Fundazioari aukera hau eskaintzen jarraitzeagatik!



© 2021 GKEF-FGDA