Gaur hasiko da Berlinen (Alemania) paralinpiar igeriketako munduko serieen txapelketa. Igandea bitartean, munduko herrialde ezberdinetako igerilariek parte hartuko dute bertan. Espainiako selekzioan bi gipuzkoarrek parte hartuko dute oraingoan: Iñigo Llopis (Konporta K.E.) eta Nahia Zudaire (Buruntzaldea IKT).
Covid-19a dela eta, txapelketak bertan behera geratu ziren pasa den martxoan. Hauxe izango da nazioarteko lehenengo lehiaketa eta indarrak nola dauden ikusteko aukera ona izango da. Llopisek dagoeneko A minima dauka Tokioko Paralinpiar Jokoetarako. Zorte on bioi!
