Gipuzkoako Kirol Egokituen Federazioa izaera juridiko eta ekiteko ahalmena duen irabazi asmorik gabeko erakundea da, bere baitan kirolari, teknikari eta epaileak hartzen dituena, Gipuzkoako Lurralde Historikoan desgaitasuna duten pertsonentzako kirola antolatu eta sustatzen duena.

Hori dela eta, gure etorkizuneko egitasmoarekin bat eginez, jarraian adierazten diren oinarrizko hiru helburu hauekiko konpromezua hartzen dugu:

Saretutako elkarlan marko baten barruan eraldaketa soziala lortzeko ekarpenak egin nahi ditugu, irisgarritasun eta berdindatun unibertsala lortzeko baldintzei eta komunitateko baliabideen optimizazioaren sustapenari lehentasuna emanez.

Urritasun egoeran dauden pertsonek kirol aukerak izan ditzaten laguntza sistema integrala sustatu eta gestionatzeko gai izatea, baita berauei eta beraien senideei atentzio pertsonalizatua eskeini ahal izatea ere.

Existitzen ez diren zonaldeetan, kirol zerbitzu egokitu eta espezializatuen sorrera sustatzea.

Etorkizun ikuspegia hiru dimentsiotan:

Urritasun egoeran dauden pertsonek beraien ingurune gertukoenean kirol praktika egin ahal izatea bermatzea, bide batez gizarte begirunetsuagoa eta solidarioagoa sortuz.

Urritasun egoeran dauden pertsonen kirol praktikarako aukerak poliki poliki eskualde guztietan bermatzea, gure baloreekin bat eginez, pertsonen zerbitzura egongo den praktika etiko bat sustatuz eta etengabeko hobekuntza baten markoan.

Helburu hauek lortzeko eta kalitatezko zerbitzua eskeiniko duten profesionalekin kontatu ahal izateko, ekonomia jasangarrian oinarritutako finantziazio iturriak lortzen saiatuko gara.