Berriak

Aste honetan aurkeztu dute Goierriko udalerrietako ordezkariek, Gipuzkoako Foru Aldundiarekin eta Gipuzkoako Kirol Egokituen Federazioarekin batera, Eskola Kirol Egokituko programa (EKE). Eskualdeko izaera duen programa honek, desgaitasuna duten haur eta gazteei eskola kirola egiteko eskubidea bermatzen die. Hala, une honetan, Beasainen eta Ordizian daude taldeak antolatuta, baina oraindik talde gehiago sor daitezke beste herriren batean. Eskualdeak hartu duen konpromezuari esker, haur eta gazte guztiek aukera berdintasuna izatea da helburu nagusia.

Bestalde, Eskola Kirol Inklusiboa (EKI) estrategia ere martxan da Goierriko eskualdean. Izan ere, Gipuzkoako Foru Aldundiak aholkularitza zerbitzua eskaintzen du Gipuzkoako Kirol Egokituen bitartez, baita diru-laguntza ere ikastetxeentzat.

6-21 urte bitarteko haur eta gazteentzat zuzendua dago Eskola Kirol Egokitua eta informazio gehiago nahi duenak Federazioko telefonora deituko dezake: 943 462514.



Gipuzkoako Kirol Egokituen Federazioak ekoitzia, Kutxa Fundazioa eta Gipuzkoako Foru Aldundiaren babesarekin, erakusketa honek kirola gizarte inklusiorako tresna gisa aurkeztu nahi du. Desgaitasuna duten pertsona guztiei kirola egiteko AUKERA bermatu behar zaie bidean dauden oztopoak ikusaraziz eta ezabatuz. Prest gaude erronka honi aurre egiteko.

Erakusketa eremu ezberdinetan banatzen da: Federazioaren sorrera eta egindako ibilbidea, eskaintzen diren programa eta zerbitzuak, desgaitasun ezberdinen azalpena, hizkuntza inklusiboa, emakumea eta kirola, kirol barrerei aurre egiteko dekalogoa… aniztasuna gizartea aberasten duen balioa da, denentzako erronka bat.

Sustatu ditzagun bidezkoagoak eta solidarioagoak diren ereduak… kendu ditzagun oztopo fisiko eta mentalak, desgaitasuna duten pertsonek KIROLA egin dezaten.

Irailaren 30ean hitzaldi bat egingo dugu zenbait aditu eta kirolariekin arratsaldeko 18:00etan Okendo kultur etxeko areto nagusian.

Urriaren 1ean haur eta gazteentzako ‘Ezberdintasuna bizi’ sentsibilizazio jardunaldia egingo dugu Okendo kultur etxeko goiko terrazan.

Erakusketaren ordutegia Donostiako Okendo kultur etxean:

Astelehenetik ostiralera: 10:00 - 14:00 / 16:00 - 20:30

Gonbidatuta zaudete!



Amaitu dira Tokioko Paralinpiar Jokoak. Bi gipuzkoar izan ditugu edizio honetan, Iñigo Llopis eta Nahia Zudaire igerilariak. Lan bikaina egin dute biek! ?
? Iñigo Llopis:
? Zilarrezko domina 100 metro librean (S8 kategoria)
? 3 Diploma (S8):
☑️ 4 x 100 metro estilo librean
☑️ 400 metro estilo librean
☑️ 4 x 100 metro estilo proban
?‍♀️ Nahia Zudaire:
? 2 Diploma (S8 kategoria)
☑️ 400 metro estilo librean
☑️ 100 metro tximeleta proban

Zorionak egindako lanagatik, zuek bai txapeldunak!



Basque Teameko igerilariak abuztuaren 27an Tokioko Aquatic Centren S8 kategorian lortutako zilarrezko dominarekin inauguratu zuen bere sarien zerrenda paralinpikoa. Aurten Funchalen jokatu den azken Europako txapelketan donostiarrak titulua bereganatu zuen proba honetan eta gaur mundu mailan ere onenen artean dagoela erakutsi du.

Emozioak goiz esnatu zitzaizkion pasa den ostegunean Llopisi. Askoz erosoago egin zuen igeri, bizkar estiloko 100 metrokoan, bere proba kuttunean. Estilo libreko 100 metroko finalerako txartela ezin izan bazuen sinatu, pasa den ostegunean era sendoan erdietsi zuen. Eguneko lehena izan zen bere serieko denborarik azkarrena lortu zuen, kronoa 1.07.90ean geldituz. Bigarren denborarik onena izan zen guztira, bi sailkatze txandak kontuan hartuta. Llopis Robert Griswold estatubatuarrak bakarrik gainditu zuen donostiarra. Finalera zortzi onenak pasa ziren.

Goizeko sailkapen txanden markek dominak lortzeko lehia gogorra iragartzen zuten arratsaldeko saioan. "Maila asko igotzen ari da eta hori ona da guztiontzat eta ikuskizunarentzat", adierazi zion Iñigo Llopisek Tokiora joandako Basque Teameko komunikazio taldeari.

Hala gertatu zen arratsaldean, igerilariek Japoniako hiriburuko igerilekuan hegan egin zuten; Robert Griswold estatubatuarrak, batez ere, Munduko errekorra hautsi baitzuen, 1:02.55ko marka eginda. Estatubatuarrak ezarritako erritmo itzela ikusita, Iñigo Llopis bere igeriketan zentratu zen, eta dena eman zuen azkenean lortu zuen bigarren postuarengatik. Hirugarren postuan zihoan 50 metroetan norabidea aldatu zuenean, baina ohi duen bezala, lasterketako bigarren zatian aurrera egin zuen.

"Oso pozik nago egindako lanarekin, eta nire senide eta lagunei eskaini nahi diet, jokoen berezitasunagatik ezin izan baitira honaino etorri. Ziur ospatuko dugu Donostiara itzultzean, baina orain beste probetan ere pentsatu behar dugu", esan du Llopisek.

Iñigo Llopis estilo libreko 4x100 metrokoan arituko da abuztuaren 30ean, estilo linreko 400 metrokoan abuztuaren 31n eta estilotako 4x100 metroko proban irailaren 3an.

[Informazio guztia Basque Team komunikazio taldearena da].



#KirolBarrerak sentsibilizazio kanpaina abiatu dugu Gipuzkoako Kirol Egokituen Federaziotik, Gipuzkoa Kirolak eta Gipuzkoa Solidarioa Kutxa Fundazioarekin elkarlanean. Kirola egin nahi duten pertsonak eguneroko bizitzan aurki ditzaketen oztopoak desagerrarazi nahi ditu kanpaina honek.
? Animatzen zara kirol barrerak identifikatzera? Sar zaitez www.kirolbarrerak.eus atarian eta egin dezagun denon artean gizarte inklusiboagoa!


Datorren larunbatean, ekainak 26, Zumaiako Aitzuri frontoian jokatuko da Gipuzkoako XI. euskal pilota egokituko finala. 10:30ean hasiko dira partidak, eta txapelketa honetan lehenengoz ikusleek frontoira sartzeko aukera izango dute (%60ko aforoa). Martxoaren 6an ekin genion txapelketari eta hauexek dira finalean parte hartuko duten bikoteak:

? Multzo urdina (Adimen urritasuna)
Iraitz Huegun-Xabier Arizkorreta / Eneko Sagarmendi-Haritz Lertxundi
? Multzo gorria (Adimen urritasuna)
Leire Esnal-Lorea Iribar / Xabier Olaziregi-Lander Ortega
?‍? Gurpildun-aulkian:
Beñat Lizaso-Manu Quesada / Hilario Olano-Mikel Merino

Eskerrik asko txapelketa hau posible egind duzue guztioi.

Zorte on denei!



Gipuzkoako Futbol Federazioarekin eta San Marcial futbol elkartearekin batera aurkeztu dugu datorren igandeko FUTBOL TOPAKETA. Oraindik izena eman dezakezue!
Desgaitasuna duten eta oinez dabiltzan gazteei zuzenduta:
? Ekainak 20, igandea
⏰ 11:00 - 13:00
? IRUN - ARTIA futbol zelaia

Izen-emateak egiteko: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 747426823 (Josu)

Anima zaitezte!



? UDAKO KANPUSA 2021
GKEFetik, KEEF eta Relevo Paralimpico elkarteekin batera, udako KANPUSerako izen emateak zabaldu ditugu. Laguntza handiak behar dituzten gazteentzako udako multikirola campusa antolatu dugu, baita teknikari eta laguntzaileentzako prestakuntza espezifikoa ere.
? uztailak 1-4
? Donostia
? Izen-emateak:
Informazio gehiago: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 943 462514
Esperientzia berri bat, multikirola egiteko, ondo pasatzeko eta beste pertsona batzuk ezagutzeko. Anima zaitez!


Azkoitiako Udalak eta Marea Urdinak antolatuta 'Aisia guztiontzat' formakuntza jardunaldia eskainiko du Gipuzkoako Kirol Egokituen Federazioko taldeak datorren ekainaren 5ean, larunbatean, Azkoitiko Elkargunean. Egun osoko formakuntza jardunaldia izango da eta aisialdiko begiraleei zuzenduta egongo da.

Izen-emateak hurrengo helbidean egin behar dira: elkarguneazkoitia.eus

Hemen behera duzuen jardunaldiaren programa!



Maiatzaren 16tik 22ra egin da igeriketa egokituko Europako Txapelketa Madeiran, Portugalen. Bertan izan dira Espainiako selekzioarekin Nahia Zudaire (Buruntzaldea IT) eta Iñigo Llopis (Konporta KE) igerilari gipuzkoarrak.

Emaitza ezinhobeak lortu dituzte biek. Gogoratu beharra dago Llopisek Tokioko Paralinpiar Jokoetarako txartela duela jada, eta Zudairek oraindik aukera duela txartela eskuratzeko.

Hauexek lortu dituzten emaitzak:

IÑIGO LLOPIS:

Urrezko domina: 100 metro bizkar S8 kategorian.
Brontzezko domina: 400 metro libre S8 kategorian.
Brontzezko domina: 4x100 estiloko gizonezkoen erreleboan.

NAHIA ZUDAIRE:

Zilarrezko domina: 400 metro libre S8 kategorian.
Brontzezko domina: 100 metro libre S8 kategorian.

ZORIONAK BIEI EGINDAKO LANAGATIK, HANDIAK ZARETE!



© 2021 GKEF-FGDA