Ez paralinpiar kirola.

DESGAITASUN FISIKOA, GARUN PARALISIA EDOTA ERATORRITAKO GARUN LESIOA DUTEN PERTSONEK PRAKTIKATZEN DUTEN KIROLA DA

Gurpil aulkian dabilen kirolariak oztopoak saihestuz ibilbide osoa egin behar du, ahalik eta denborarik gutxienean. Oztoporen bat botatzen bada, edo behar ez bezala gainditzen bada, denbora-zigorra ezartzen zaio partaideari, eta batzuetan kanporatua ere izaten da.

Lehiaketak bi zati ditu:  erlojuaren aurkakoa, bakarka aritzen da atleta ahalik eta denborarik onena egiteko ahaleginean, eta buruz burukoa, elkarren parean jarritako bi zirkuitutan aldi berean lehiatzen dira bi partaide.

Urritasun mailaren arabera, hau da, gurpil aulkia erabiltzeko gaitasunaren arabera, kategoria desberdinak daude, hasi aulki elektrikoak baliatzen dituzten kirolariengandik eta eskuekin edo oinekin bultzatzen dituzten aulkietaraino.

Slalom-aren filosofia honako hau da: gurpil aulkian ibiltzen den pertsona batek eguneroko bizitzan topa ditzakeen bezalako oztopoak erabiliz (aldapak, ateak…) gurpil aulkiak erabiltzen trebatzea, eguneroko bizimodurako lagungarri izate aldera.